ЗНЯВАГА PDF Печать E-mail
30.04.2012 12:26

Nyauves-columnСуд Аршанскага раёна аштрафаваў 70-гадовага праваабаронцу Валерыя Шчукіна больш як на мільён рублёў за «дэманстратыўнае ляжанне на падлозе і непавагу да міліцыянераў і суду». Чаму ж ён лёг? Таму што яго беспадстаўна не пусцілі на судовае пасяджэнне.

Славуты Дзед…

Скажу адразу:

Няма сакрэту, што заўжды

Яго ўспрымаюць як праказу

І наша ўлада, і суды.

То маршыруе апантана,

А то наладзіць ён пікет…

З яго, марскога капітана,

Усім дзядам, як кажуць, Дзед.

Улада не дае прапіскі,

Каб дэпутатам стаць не змог,

І дом-прытулак самы блізкі —

Ці каталажка, ці астрог.

Няволю зведаўшы, штодзённа

Наш Дзед напружвае мазгі,

Каб у цямніцу, «дом казённы»,

Не трапіў хто-небудзь другі.

Калі «невыязных» у Оршы

Знялі, так мовіць, з цягніка,

Падумаў Дзед:

«Расклад — найгоршы.

«Прышыюць» штось нашармака.

Каб пасадзіць-загнаць за краты,

Напрыклад, «знойдуць наркату».

Ёсць вопыт у «мянтоў» багаты,

Намер іх чую за вярсту…»

Хоць тая Орша не пад бокам,

У шлях няблізкі рушыў Дзед,

Каб прасачыць уласным вокам,

Ці ўсё законна і як след.

Па Канстытуцыі не нова

(Яна і дзейсная нібы),

Што можа на працэс судовы

Патрапіць кожны і любы.

Міліцыянт, мажны і строгі,

Стаў перад Дзедам, як гара.

Калі няма далей дарогі,

Дык іншы крок зрабіць пара.

І Дзед улёгся на парозе,

Сабою «начарціў мяжу»

І патлумачыў:

— Я ў знямозе,

І дзе хачу я — там ляжу.

На шчасце, Орша — не сталіца,

Дзе наш бязлітасны спецназ

Гатовы да знямогі біцца,

Каб, як снапы, пакласці нас.

Аршанцы зладзілі нараду

(Начальства збеглася на кліч):

«Ну як жа даць старому рады,

Каб не «загнуўся» гэты хрыч?»

Міліцыянты ад парога

Пяшчотна Дзеда паднялі

І на руках яго, старога,

Павалаклі не па зямлі…

А потым суд спатоліў прагу,

«Упёкшы» Дзеду аж мільён,

Бо, як ляжаў, нанёс знявагу

Суду, міліцыянтам ён.

* * *

Туды, дзе «слухаў» суд і «важыў»,

Не змог законна трапіць Дзед…

Пытанне: хто каго зняважыў

Найпершым чынам у судзе?..

Алесь НЯЎВЕСЬ

Обновлено 15.05.2012 12:33
 

Добавить комментарий

Внимание! Перед добавлением комментария помните, что его прочтут другие пользователи и авторы комментируемого Вами материала. Будьте уважительны друг к другу и старайтесь обходиться без сленговых и нецензурных выражений.


Защитный код
Обновить

Последние добавления

972.
Ну вот и подняли тарифы ЖКХ. А ведь кое-кто утверждал, что наше прав.....
971.
Вовочка, услышав, как мурлыкает кот, бежит к отцу-автомеханику: — Па.....
ПРОТИВ ДМИТРИЯ ДАШКЕВИЧА ВОЗБУЖДЕНО НОВОЕ УГОЛОВНОЕ ДЕЛО
Лидеру «Молодого фронта» грозит еще один год лишения свободы. .....
«НАДО ОТЫСКАТЬ СПОСОБ РАЗГОВАРИВАТЬ НЕ ЯЗЫКОМ САНКЦИЙ»
Посол Литвы в Беларуси Линас Линкявичюс заявил, что Вильнюс и Минск...
МИД ИЗРАИЛЯ СЛЕДИТ ЗА СИТУАЦИЕЙ С ПРАВАМИ ЧЕЛОВЕКА В БЕЛАРУСИ
Глава отдела Евразии израильского МИД Яаков Ливне 18 июля на пресс-к.....

Самое популярное за месяц

службы мониторинга серверов