НЕ ТЫЯ НАВІНЫ ГЛЯДЗЕЦЬ МЫ ПАВІННЫ PDF Печать E-mail
05.06.2012 11:19

Nyauves-columnВіцябляніна Дзяніса К. затрымалі ў памяшканні пункта калектыўнага карыстання інтэрнэтам на мінскім чыгуначным вакзале і аштрафавалі за прагляд сайта «Хартыя-97». 

Да палітычнай барацьбы

У моладзі апатыя.

Ёй грошы, гулі мець абы,

Нашто ёй звяз ці партыя.

І гэта, мусіць жа, не ўздзіў,

Бо меркаванне цвёрдае:

Палітык ёсць у нас адзін —

І досыць. Мы не гордыя.

Хлапец, студэнт Панас, якраз

Жыў з думкамі вось гэтымі.

На плошчу не хадзіў Панас,

Дзе мітынгі з пікетамі,

Не заклікаў змяніць рэжым

На слодыч дэмакратыі,

Нацдэмам, словам, быў чужым —

Яны яго «не краталі».

Быў для Панаса інтэрнэт

Як кнігаю настольнаю,

І зазіраў у цэлы свет

Ён у часіну вольную.

І выпадкова, мімаходзь

На сайт патрапіў «Хартыі».

«Тут абы-што, — падумаў. — Хоць…

Здаецца, нешта вартае!»

Чытаў да кропак уваччу,

Аж мокрай шыя стала ўся.

Ён краем вуха толькі чуў

Пра ўсё, што там пісалася.

Панас падаўся ў інстытут

З памкненнямі нявіннымі —

Каб «загрузіць» студэнцкі люд

Цікавымі навінамі.

І ўсе сябры яго як бач

Заселі за кампутары.

А ў асяродку быў «стукач» —

Ён з «органам» пагутарыў.

Панаса тут жа ў абарот

Дзядзькі ўзялі суровыя.

— Не разяўляй, хлапчына, рот, —

Сказалі простай моваю. —

Калі даводзіцьмеш гурме

Такую інфармацыю,

Дык месца знойдзеш у турме —

Заткнём у «рэзервацыю».

І там, павер, зусім не рай,

Хоць баланда дарэмная…

А лепш і сам не зазірай

На сайты, што нацдэмныя.

— Ды я ж цікаўлюся — не больш! —

Грамадскімі падзеямі,

Душэўны адчуваю боль,

Што наш народ падзелены.

Я да ўсяго хачу дайсці,

Не выглядаць сляпіцаю.

Займаць патрэбна ж у жыцці

Актыўную пазіцыю.

Выкладчыкі так вучаць нас,

Таму і рад старацца я, —

Тлумачыў «органам» Панас. —

Хіба ж не маю рацыі?

Хоць не чытаю я газет

(Не маю грошай жменю я),

«Белсат» гляджу, і інтэрнэт

Газетам тым заменаю…

— На носе зарубі сабе! —

Маёр к яму з парадаю. —

Глядзі БТ, чытай «СБ»

І слухай наша радыё!

— Дык там жа толькі сум і тлум…

— Тады не трэба ўвогуле!

І каралю ты будзеш кум,

Не ў каталажцы-«логаве»…

Цяпер Панас ніжэй травы,

Навінамі не дзеліцца

І не бярэ да галавы,

Што у краіне дзеецца.

Не лезе ў «Хартыю» Панас,

«Свабоду» больш не слухае:

Бяспечней бавіць вольны час

З папсою ці з парнухаю.

Алесь НЯЎВЕСЬ

Обновлено 10.06.2012 10:24
 

Добавить комментарий

Внимание! Перед добавлением комментария помните, что его прочтут другие пользователи и авторы комментируемого Вами материала. Будьте уважительны друг к другу и старайтесь обходиться без сленговых и нецензурных выражений.


Защитный код
Обновить

Последние добавления

972.
Ну вот и подняли тарифы ЖКХ. А ведь кое-кто утверждал, что наше прав.....
971.
Вовочка, услышав, как мурлыкает кот, бежит к отцу-автомеханику: — Па.....
ПРОТИВ ДМИТРИЯ ДАШКЕВИЧА ВОЗБУЖДЕНО НОВОЕ УГОЛОВНОЕ ДЕЛО
Лидеру «Молодого фронта» грозит еще один год лишения свободы. .....
«НАДО ОТЫСКАТЬ СПОСОБ РАЗГОВАРИВАТЬ НЕ ЯЗЫКОМ САНКЦИЙ»
Посол Литвы в Беларуси Линас Линкявичюс заявил, что Вильнюс и Минск...
МИД ИЗРАИЛЯ СЛЕДИТ ЗА СИТУАЦИЕЙ С ПРАВАМИ ЧЕЛОВЕКА В БЕЛАРУСИ
Глава отдела Евразии израильского МИД Яаков Ливне 18 июля на пресс-к.....

Самое популярное за месяц

службы мониторинга серверов