ГАВАРЫЦЬ ПРАЎДУ — СВАБОДА ДУМКІ PDF Печать E-mail
27.06.2011 09:11

 Nekl_150Пад час уручэння прэміі «За свабоду думкі» я столькі раз чуў фразу: «Ён гаварыў праўду», што, здаецца, лаўрэатам яе і павінен быў стаць менавіта гэты чалавек. Як не цяжка здагадацца, гутарка ідзе пра паэта Уладзіміра Някляева.

Традыцыйна ўручаецца прэмія «За свабоду думкі» 19 чэрвеня, у дзень народзінаў славутага беларускага пісьменніка Васіля Быкава. А адбываецца гэта на малой радзіме Васіля Уладзіміравіча — у вёсцы Бычкі Вушачцкага раёну Віцебскай вобласці. Заснавана яна рухам «За свабоду». Як расказаў у сваім выступе лідар гэтага аб’яднання Аляксандр Мілінкевіч, яна стала лагічным працягам падзей 2006 года. Маецца на ўвазе ўзнагарода руху прэміяй Еўрапарламента імя А.Д. Сахарава і «плошчы», якая з таго часу мае не толькі прамое, але і пераноснае значэнне.

Прэмія «За свабоду думкі» была ўручана ўжо ў чацвёрты раз. Раней яе лаўрэатамі сталі знакаміты паэт Рыгор Барадулін, пісьменнік Уладзімір Арлоў, мастак Алесь Пушкін, палітык Павал Севярынец і грамадская актывістка Ада Райчонак, якую добра ведаюць за арганізацыю шматлікіх мастацкіх пленэраў, як стваральніцу некалькіх музеяў і заснавальніцу цэнтра імя Язэпа Драздовіча.

Аляксандр ТАМКОВІЧ

Обновлено 04.07.2011 22:46
 

Добавить комментарий

Внимание! Перед добавлением комментария помните, что его прочтут другие пользователи и авторы комментируемого Вами материала. Будьте уважительны друг к другу и старайтесь обходиться без сленговых и нецензурных выражений.


Защитный код
Обновить