Курсы валют

Доллар США
2.234
Евро
Российский рубль

Погода

-2..-4 °C

Фельетон

Паставіла мытня падножку: «Прапусцім ці жонку, ці кошку»

Nyauves

У пункце пропуску «Весялоўка» беларускія мытнікі паставілі перад мужчынам дылему: жонку (яна не грамадзянка Беларусі) прапусцім, але кошку — не (адсутнічае ветэрынарны кантроль). У другім пункце пропуску, які знаходзіцца за сто кіламетраў, можна праехаць з кошкай, але без жонкі.

Яшчэ ў маім дзяцінстве дзесьці
Задачка ў побыце была:
Як цераз рэчку перавезці
Ваўка, капусту і казла?

З задачкай не было праблемы,
Не перашкода нам рака,
І ратавалі дружна ўсе мы
Казла, капусту і ваўка.
Цяпер задачкай іншай трошку
Я вас, панове, загружу:
Як перавезці жонку й кошку
Цераз дзяржаўную мяжу?
Насмешкі вашыя прадбачу
(«Згадаў бы лепш ваўка й казла!»),
Аднак жа гэткую задачу
Усім нам мытня задала.
Мужчына жонку вёз дахаты.
Яшчэ і кошку — як багаж.
Паўстаў сцяною зухаваты
І непарушны мытнік наш.
Ухмылку не спускае з твару:
— Хоць ты і адстаяў чаргу,
Не прапушчу тваю кацяру.
А жонку прапусціць магу.
На іншым нашым пераходзе
Усё якраз наадварот:
Не пусцяць жонку
(Смех дый годзе!),
Але мінуе мытню кот.
Пра кампраміс няма й гамонкі…
Ну проста ў мужыка бяда!
Не можа без любімай жонкі,
І кошку бедную шкада.
Рашэнне ім было прынята,
Што жонку ўсё ж правезці трэ,
Бо кошка знойдзе шлях дахаты,
А жонку хтосьці падбярэ…

Алесь Няўвесь

Чытайце таксама ў рубрыцы «Фельетон»:

Навагодняя шаткаванка

Каму — валюта, каму — пакута

Бацька ўсё-ткі не наплёў нам пра тысячу рублёў!

Няма трупа — няма справы

Добавить комментарий