Курсы валют

Доллар США
2.0225
Евро
Российский рубль

Погода

15..17 °C

Фельетон

Жывуць як след палякі, а мы — як небаракі

Nyauves

Згодна з даследаваннем Арганізацыі эканамічнага супрацоўніцтва і развіцця, на працягу года беларусы адпрацоўваюць столькі ж гадзін, як і палякі, а насельнікі Расіі — значна менш.

Бадай, любому чалавеку
Вядома і з газет, і з кніг,
Што людзі рускія спрадвеку
Працуюць менш і горш за ўсіх.

Дый увіхацца ім навошта,
Як кажуць, жылы рваць, калі
Усё даецца танным коштам
І пад зямлёй, і на зямлі.
У іх багацця — пад завязку:
Алмазы, вугаль, нафта, газ…
Ім Бог зрабіў такую ласку,
Чамусьці абдзяліўшы нас.
Таму мы змушаны ўвіхацца
І шавяліцца як адзін,
І штогадова наша праца
Працягваецца больш гадзін.
Працуюць столькі ж і палякі,
Амаль што родны нам народ,
Ды ведае любы і ўсякі,
Што ў іх намнога больш даброт.
Хоць і няўцям, у чым прычына
І корань зла шукаць нам дзе,
Ды нехта кажа, што, магчыма,
Не той, хто трэба, нас вядзе.
Я думку тую не адкіну
І ёй пярэчыць не пачну,
Аднак жа вам, сябры, прычыну
Я назаву яшчэ адну:
Патрэбна рупіцца да поту,
Каб да даброт пракласці гаць,
Ды хтосьці ходзіць на работу,
А нехта ходзіць працаваць…

Алесь НЯЎВЕСЬ

Чытайце таксама ў рубрыцы «Фельетон»:

Прад’явіўшы «дакумент», згвалтаваў ілжывы «мент»

Чаму дарослыя і дзеткі не носяць да скульптуры кветкі?

Калі не радуюць гульнёй, няхай ідуць варочаць гной

Вынік мецьмем неблагі, калі ўсім дадзім сцягі

Добавить комментарий