Курсы валют

Доллар США
2.4243
Евро
Российский рубль

Погода

20..22 °C

Фельетон

Прысудам сталі справаздачы, як помсціў ён за брэх сабачы

Прысудам сталі справаздачы, як помсціў ён за брэх сабачы

25.06.2020

Жыхарку Мінска і яе бацькоў пяць гадоў літаральна тэрарызаваў сусед з-за таго, што гучна гаўкала яе аўчарка. Ён падпаліў машыну, дачу і летнюю кухню, у доме разбіваў вокны, закідваў двор смеццем, пісаў ананімкі ў падаткавую інспекцыю і ў рэшце рэшт падпаліў дом. Усе свае «подзвігі» сусед занатоўваў у дзённік.

З чаго пачаўся той эксцэс?
Каб пільнавала гаспадарку,
Каб злодзей у гарод не лез,
Жанчына завяла аўчарку.
Сказалі ёй: «Не верашчы! На кухнях варым мы баршчы…»

Сказалі ёй: «Не верашчы! На кухнях варым мы баршчы…»

18.06.2020

Старшыня ЦВК Лідзія Ярмошына паскардзілася на тое, што падчас збору подпісаў за Святлану Ціханоўскую яна пачула на свой адрас слова «прихлопнуть» і іншыя зневажальныя эпітэты, якія «можна ўспрымаць як пагрозу забойствам». Пагрозу яна ўбачыла і ў тым, што актывісты збіраюцца правесці пікет па зборы подпісаў каля яе дома, заклікаюць «наведаць» яе. «Дзе ваша абарона, паненкі феміністкі, мяне, пажылой жанчыны ад замаху?» — пытаецца Ярмошына. Праз Інтэрнэт феміністкі паведамілі «пажылой жанчыне», што абараняць яе не збіраюцца…

І трэба ж так: навісла хмара
Над старшынёю ЦВК:
Яна, лічы, ужо ахвяра,
Бо можа нехта спадцішка,
Павучальны сюжэт для дзяўчат і кабет

Павучальны сюжэт для дзяўчат і кабет

03.06.2020

39-гадовая жанчына з Асіповіч у сацыяльных сетках пазнаёмілася з мужчынам, які назваўся «службоўцам арміі Абіджана» (такі горад ёсць у Кот д’Івуары). Іншаземец папрасіў жанчыну, каб яна напісала ліст ягонаму адвакату і той дапамог атрымаць вялікую спадчыну — 1,5 мільёна долараў. Адвакат згадзіўся. На аплату розных збораў і камісіі беларуска пералічыла 19 тысяч долараў…

Напэўна, знаюць нават дзеткі,
Вядома з даўняе пары,
Што ў нетрах сацыяльнай сеткі
Ахвяр знаходзяць махляры.
За што медалі вайскоўцам далі?

За што медалі вайскоўцам далі?

20.05.2020

У сацыяльных сетках абмяркоўваецца здымак маёра Кацярыны Андрэевай на парадзе ў гонар 75-годдзя Перамогі. Маладзіца служыць перакладчыцай у Міністэрстве абароны. Падчас параду ў яе на грудзях было каля дзесяці розных медалёў.

Я добра помню час, які
Сучаснай моладдзю нязнаны:
У вёсцы — спрэс франтавікі
Або героі-партызаны.
Дарма нам Бацька раіў, што мы можам выпіць грам па сто

Дарма нам Бацька раіў, што мы можам выпіць грам па сто

13.05.2020

За парушэнне рэжыму самаізаляцыі суд Брагінскага раёна аштрафаваў мясцовага жыхара на 810 рублёў. Ён працаваў у Маскве, а калі вярнуўся дадому, павінен быў два тыдні знаходзіцца на «хатнім каранціне». Замест гэтага паехаў у суседнюю вёску, каб закупіцца спіртным. Там яго і затрымалі.

Як толькі вірус гэты кляты
Сярод людзей, як здань, узнік,
З Масквы знямелае дахаты
Вярнуцца змусіўся мужык.
На свята выйдуць ветэраны, дзе развярэдзіць вірус раны

На свята выйдуць ветэраны, дзе развярэдзіць вірус раны

30.04.2020

Ветэранскія арганізацыі Расіі накіравалі Уладзіміру Пуціну зварот з просьбай перанесці парад у гонар 75-годдзя Перамогі на больш познюю дату ў сувязі з каранавіруснай інфекцыяй. А Беларуская арганізацыя ветэранаў заявіла, што ў нашай краіне такой неабходнасці няма.

Для ўласных мэт, задум і планаў,
Каб затлуміць усім глузды,
Улада наша ветэранаў
Як ледаколаў ці таранаў
Выкарыстоўвае заўжды.
Каб жылося ярка, трэба не аўчарка…

Каб жылося ярка, трэба не аўчарка…

22.04.2020

Малады мінчук пайшоў у краму па прадукты і прывязаў свайго сабаку пароды шпіц да парэнчаў. Праз некалькі хвілін сабаку ўкрала 41-гадовая жанчына. Свой учынак кабета патлумачыла тым, што дома жыве нямецкая аўчарка, і каб яна не сумавала, вырашыла прынесці ёй «сябра».

Хіба ж сабака існы — шпіц?
Як кот, маленькі і плюгавы.
Шпіц — для багатых маладзіц,
Яго трымаюць для забавы.
Улада мову топча ў гной і прыкрываецца маной

Улада мову топча ў гной і прыкрываецца маной

15.04.2020

Жыхарка аграгарадка Ціманава Клімавіцкага раёна, інструктар-метадыст дзіцяча-юнацкай спартыўнай школы Іна Кардабнёва на сваім ютуб-канале брыдка выказалася пра беларускую мову: «дэбільныя словы», «малпава-калгасны акцэнт», «вельмі непатрэбная мова, хай бы яна гарэла сінім полымем» і г.д. Жанчына даводзіць, што мову не варта вывучаць у школе, бо ва ўжытку яна не прыгадзіцца.
На настаўніцу (яна лічыць сябе педагогам) у Інтэрнэце абрушыўся шквал папрокаў і праклёнаў, дырэктара ДЮСШ выклікалі ў райвыканкам для прачуханкі.

Не дзіўна ўжо, што ў раз чарговы
Пачулі ўсе мы шмат абраз
Наконт спрадвечнай, роднай мовы
(Манкурцтва звыклае для нас).
Сапёры правялі абрад і трохі палізалі яд

Сапёры правялі абрад і трохі палізалі яд

08.04.2020

У расійскіх сапёраў ёсць даволі дзіўная традыцыя, абрад: каб засведчыць, што ў поўнай меры засвоілі прафесію, яны ліжуць узрыўчатку. Ваеннаслужачыя Пухавіцкага гарнізона вырашылі пераняць гэты абрад і таксама палізалі выбуховае рэчыва. 13 вайскоўцаў трапілі ў шпіталь з цяжкім атручэннем.

Традыцый у вайскоўцаў многа…
Калі зірнуць са стараны
І калі іх ацэньваць строга,
Парой бязглуздыя яны.