Курсы валют

Доллар США
2.0255
Евро
Российский рубль

Погода

12..14 °C

Фельетон

Ад старшыні паперлі, як і звычайна, «перлы»

Nyauves

Лідзія Ярмошына, старшыня Цэнтрвыбаркама: «Я лічу, мой пост адносіцца да катэгорыі тых, на якія мала ахвочых. Гэта месца складанае і неграшовае. Ніякіх фінансавых патокаў, ніякай асаблівай улады. Да таго ж відавочна, што я спраўляюся са сваімі абавязкамі так, як гэта задавальняе майго наймальніка, прэзідэнта Рэспублікі Беларусь».

Зноўку выбараў пара
Завітала к нам у госці,
Трэба зноў абраць «цара»,
«Пасадзіць на трон» кагосьці.

Адзвінела цішыня,
Дні гарачыя паперлі.
Выбаркама старшыня
Выдае штодзённа «перлы».
І абразіць, далібог,
Не паставіў я задачу.
Ейны шчыры маналог
Толькі трошкі перайначу:
«У кагось — кар’ерны рост,
У кагосьці — грошай горы,
Ды адзін і той жа пост
Я займаю год каторы.
Годна я нясу свой крыж,
Хоць не маю асалоды
(Вельмі хочацца ў Парыж
Перабрацца назаўсёды).
Праца цяжкая ў мяне —
Акурат як у шахцёра.
Ды, паверце, толькі ў сне
Выбіраюся да мора.
І мяне на тым пасту
Замяніць ахвочых мала —
Абыходзяць за вярсту,
Хоць улада й запрашала.
Дый жывецца, як бамжу, —
Вельмі сціплая зарплата.
А якая — не скажу,
Мне, прынамсі, малавата.
(Давядзецца, мусіць, мне
Пашукаць паўстаўкі дзесьці:
Посуд мыць на старане
Ці двары й пад’езды месці.)
Словам, горшую з пасад
Я займаю, несумненна,
Маю шмат маральных страт,
І начамі спіцца дрэнна.
Папікаюць за «баршчы»,
Здзекуюцца ўсе пісакі.
Хоць ты крычма закрычы —
Так яны даліся ў знакі!
Непрыемнасцей — мільён.
Вось чаму я «неўязная»?
Для мяне найперш — закон,
Ды ніхто таго не знае…
Хоць прарочаць мне бяду,
Хоць ляцяць у твар насмешкі,
Нізавошта не сыду
З назаўжды абранай сцежкі.
Апазіцыя кляне:
Тое, што раблю, «не ў жылу».
Прэзідэнт наняў мяне,
Каб адно яму служыла.
І таму скажу наўпрост
З непасрэднасцю жаночай:
Ён даверыў гэты пост,
Ён і здыме, як захоча.
Хай не пусцяць за мяжу,
Хай зняверацца дашчэнту,
Я ўсё роўна адслужу,
Колькі трэба прэзідэнту!»
* * *
Ды якраз наадварот:
Хай бы ведала чынушка,
Што яе наймаў народ,
Што яна — народа служка.
Алесь Няўвесь

Новыя фельетоны Алеся НЯЎВЕСЯ можна пачытаць на сайце: http://alesnauwes.com/.

Рубрыца «Фельетон»:

З нядаўняе пары шчаслівыя тхары

Усё наадварот мы робім з года ў год

Чыноўнікі крыху спатолілі пыху

Вылучэнка-дама — лепшая рэклама

Добавить комментарий