Курсы валют

Доллар США
2.4368
Евро
Российский рубль

Погода

16..18 °C

Фельетон

«КОЛ»

Nyauves

Сёлета ўстаноўлены ніжні парог тэставага бала для паступлення ў ВНУ — сем балаў. Гэта тое ж самае, што «кол» з мінусам, калі ацэньваць па пяцібальнай сістэме, пры якой мне давялося вучыцца ў школе.

Бацькам выказвалі папрокі
Настаўнікі — і ўсё часцей:
— Ваш сын, прабачце, «недалёкі»,
Гультай і прапускае ўрокі,
Ну, словам, бэйбусам расце.
Ці ж гэта бацьку слухаць люба?
Ды сына не ўшчуваў, бо той
І праўда бэйбус: можа ў зубы
Пульнуць кувалдаю-рукой.
І бэйбус-сын — пара настала —
Прынёс дадому атэстат.
— Якая ганьба: дзесяць балаў
Ты маеш усяго са ста! —
Слязьмі зайшліся мамка й татка. —
У наш жа «пяцібальны» час
Была б вось гэтая «дзясятка»
«Калом» (дый з мінусам!) якраз.
Куды паткнешся, агамолак,
З ганебным атэстатам ты?
З «калом» тым
Будзеш пасвіць цёлак,
Накручвацьмеш быкам хвасты.
Ім — сын:
— Такіх, як я, — навалам,
Я не адзіны баламут.
Няма сумневу: з гэткім балам
Мяне залічыць інстытут.
І залічыў!
Праз час належны
Сын бацьку паказаў дыплом,
Чым падзівіў яго бязмежна,
Нібы агрэў яго калом,
Бо сам жа бацька
(Смех дый годзе —
Ці ж можна веды параўнаць?)
Звычайны слесар на заводзе,
Хоць меў у атэстаце «пяць»…
* * *
Тых бэйбусаў — аж цэлы статак,
Для іх вучоба — як хамут.
Але з «каламі» ў атэстатах
Іх запрашае інстытут.
Працэс вучэбны — у загоне,
Выходзяць невукі са школ,
Бо ў адукацыю сягоння
Асінавы забіты кол.

Добавить комментарий