На тэрыторыі Беларусі будзе размешчана расійская авіябаза, аднак улада даводзіць, што гэта ніяк не паўплывае на нашую незалежнасць і суверэнітэт. Сцвярджае ўлада нам бязмежнаІ ганарыцца, не сакрэт: Жывём мы сёння незалежнаІ маем суверэнітэт.
Якія гэтага пазнакі?
Ёсць гімн уласны, герб і сцяг,
Ёсць свой урад, свае «ваякі»,
І ёсць сваёй зямлі прасцяг.
Аднак ад голаду-нястачы,
Як кажуць, падаюць штаны.
Наканавалі лёс жабрачы
Народу ўладныя чыны.
Таму, каб не дайшло да смуты,
Каб мог спатоліць люд нутро,
Улада хоць і праз пакуты,
Ды ціха прадае дабро.
Гатовы ўсё сусед багаты
Купіць — аж раскатаў губу:
Загрэбці хоча камбінаты,
Як некалі загроб трубу.
Яшчэ прыглядваецца к МАЗу,
Прывабіў трактарны завод…
Ды ўсё ж для самалётаў базу
Стварыць патрэбна напярод.
Цяпер, рашыў сусед багаты,
Гатовым трэба быць к вайне.
Мяркуе так: а раптам НАТА
На ўсю маёмасць пасягне?
* * *
Гаспадаром лічыцца цяжка
У роднай хаце і ў хляве,
Калі свайго амаль нямашка,
Паўсюль чужынскі дух жыве.
І, мусіць, мне засведчыць трэба,
Хоць адкрыцця і не зраблю:
Як аддасі камусьці неба,
Дык хутка страціш і зямлю.
Алесь Няўвесь
Список Всемирного наследия UNESCO в последнее время пополняется неохотно (особенно если речь идет о материальных…
«Начальство делает вид, что нам платит, мы делаем вид, что работаем» — таков был ответ…
«Мы абсолютно не прячем то, что мы кого-то будем поддерживать. Это естественно. Если бы мы…
Наша национальная особенность согласования частных и коллективных (далее, государственных) интересов заключается в том, что при…
В прошлом году получили от экспорта продовольствия 8,3 миллиарда долларов, а для обеспечения этого показателя…
Суть рыночной экономики — в реализации личных интересов граждан, побочным результатом чего является рост общественного…