Адзін асобнік кнігі «Эфект холдынга», у падрыхтоўцы якой узялі ўдзел некаторыя кіраўнікі ўрада і Адміністрацыі прэзідэнта, каштуе 4 мільёны 800 тысяч рублёў (!). Зноў мае радкі-калючкіХай адведаюць чыны:Давялі зусім да ручкіЭканоміку яны.
То інфляцыя нахлыне,
То валюты не стае…
Нездаровіцца краіне
З «эканомікі» тае.
Значыць, просіцца выснова,
Што «кіроўцы» — поўны нуль.
Ім бы ўсім кагорце новай
Перадаць, як кажуць, руль
І сядзець, як мышы ў норах
Перад пысаю лісы,
Каб не чуўся нават шорах
(Не кажу пра галасы).
Іхні плён раўня капейцы,
Можа, нават і пусты,
Ды чыны трымаюць лейцы,
Не пакінулі пасты.
Да таго ж яшчэ ўдадатак
Творчы ўзнік у іх імпэт:
Вопыт «выбітны, багаты»
Хай спазнае цэлы свет.
Напісалі цуда-кнігу,
Дзе далі адказ прамы,
Як скруціць з трох пальцаў фігу
Для народнае гурмы.
Кніга тая —
Залатая,
Калі ўгледзецца ў цану.
Хто ж «гросбух» той прачытае,
Раскашэліўшы машну?
З-за такіх «эканамістаў»
Чэзне наш буржуйскі клас,
У кішэнях пуста-чыста,
Грошай ёсць — на хлеб і квас.
На каго ж разлічваць можна?
Чуў, што купіць дзед Лявон.
З пенсіёна месяц кожны
Ён адкладвае мільён.
Список Всемирного наследия UNESCO в последнее время пополняется неохотно (особенно если речь идет о материальных…
«Начальство делает вид, что нам платит, мы делаем вид, что работаем» — таков был ответ…
«Мы абсолютно не прячем то, что мы кого-то будем поддерживать. Это естественно. Если бы мы…
Наша национальная особенность согласования частных и коллективных (далее, государственных) интересов заключается в том, что при…
В прошлом году получили от экспорта продовольствия 8,3 миллиарда долларов, а для обеспечения этого показателя…
Суть рыночной экономики — в реализации личных интересов граждан, побочным результатом чего является рост общественного…