Настаўніца беларускай мовы і літаратуры з Івацэвіцкага раёна актыўна збірае подпісы за тое, каб школа, у якой яна выкладае, перайшла на рускамоўнае навучанне. Педагог тлумачыць гэта тым, што ў беларускамоўных выпускнікоў у нашай краіне няма ніякіх перспектыў. На першы погляд, дзіўна выглядае, Наогул як вар’яцкі нейкі «бзік»: Настаўніца, што «мову» выкладае, Актыўна агітуе за «язык».
Які падняўся лямант!
Балаболы,
Якія ў Сетцы «вечна на пасту»,
Аж ашалелі:
— Гнаць яе са школы!
Двурушніца! Ату яе, ату!
Ці ж педагог жадае «мове» шкоды?
Задумацца б «свядомай» грамадзе,
Паразважаць: яна з якой нагоды
Такую агітацыю вядзе?
А можа, агітацыя аховай
Паслужыць выхаванцам ад пакут?
Куды яны паткнуцца з гэтай «мовай»?
Ці ёсць у нас на «мове» інстытут?
Ці ж у грамадстве выбар ёсць багаты,
Дзе ўжытак «мове»
хтосьці б мог знайсці?
І вучні, як сляпыя кацяняты,
У сцены будуць тыцкацца ў жыцці.
А прыйдзе час (ён нават недалёкі) —
Без «мовы» застануцца бульбашы…
Не варта слаць настаўніцы папрокі —
Магчыма, гэта крык яе душы.
* * *
Скіруем не туды пагляд суровы…
А што рабіць настаўніцы, калі
Улады
Стан спрадвечнай, роднай мовы,
Так мовіць бы, да ручкі давялі?..
Алесь Няўвесь
Да ведама чытачоў: зборнік Алеся Няўвеся «Цырк на дроце» можна купіць у мінскай кнігарні «ЛогвінаЎ» ( пр. Незалежнасці, 37а).
Рубрыца «Фельетон»:
Угробяць без пары такія дактары
Список Всемирного наследия UNESCO в последнее время пополняется неохотно (особенно если речь идет о материальных…
«Начальство делает вид, что нам платит, мы делаем вид, что работаем» — таков был ответ…
«Мы абсолютно не прячем то, что мы кого-то будем поддерживать. Это естественно. Если бы мы…
Наша национальная особенность согласования частных и коллективных (далее, государственных) интересов заключается в том, что при…
В прошлом году получили от экспорта продовольствия 8,3 миллиарда долларов, а для обеспечения этого показателя…
Суть рыночной экономики — в реализации личных интересов граждан, побочным результатом чего является рост общественного…