• Погода
  • +23
  • EUR3,0262
  • USD2,4954
  • RUB (100)3,4673
TOP

МІКАЛАЯ СТАТКЕВІЧА ВЫПУСЬЦІЛІ З КАРЦЭРУ, АЛЕ ПАКІНУЛІ НА СТРОГІМ РЭЖЫМЕ

Пра гэта паведаміла Марына Адамовіч, якая 20 ліпеня наведала Магілёўскую турму, дзе трымаюць яе мужа, палітыка Мікалая Статкевіча. 

«З карцэру ён выйшаў у панядзелак, 16 ліпеня. І адразу даведаўся, што яму працягнуты строгі турэмны рэжым на нявызначаны тэрмін. Ён быў на строгім рэжыме ўжо паўгода, да 12 ліпеня, і яго маглі перавесьці на звычайны рэжым, але пакінулі строгі. І яшчэ стала вядомая фармулёўка, зь якой ён трапіў у карцэр — „за аказаньне маральна-псыхалягічнага ціску“. На каго — незразумела».

Былы кандыдат на прэзыдэнта Мікалай Статкевіч асуджаны за падзеі 19 сьнежня 2010 году на 6 гадоў зьняволеньня. З пачатку 2012 году рэжым утрыманьня для Статкевіча зьмянілі з калёніі на крытую турму.

Алег Грузьдзіловіч, Радыё Свабода