TOP

Можа, у царкве «мова» ажыве?..

Нядаўна прызначаны мітрапаліт Мінскі і Слуцкі Павел паведаміў, што ён пастараецца вывучыць беларускую мову. Усе прызнаць даўно гатовы,Ні для каго цяпер не ўздзіў,Што не чутно ўжо роднай мовы —Як смерч па мове пахадзіў.

Да 2020 года СНплюс існавала дзякуючы падпісцы чытачоў. Сёння друк газеты забаронены. Але ваша падпіска надалей магчымая. Усе матэрыялы бясплатныя і даступныя кожнаму. Падпісваючыся на СНплюс праз Патрэон (гэта бяспечна!), вы дапамагаеце распаўсюду незалежнай інфармацыі і падтрымліваеце свабоду слова.

Яшчэ калісьці, ў час далёкі,
«Зруселі» конча гарады,
А ў вёсках, дзе былі вытокі,
Не «размаўляюць» і дзяды.
Як пустадомкі, год ад года
Усё рабілі ўладары,
Каб вытравіць душу народа —
Каб знікла мова без пары.
А сёння ўвогуле ў краіне
Нібы напаў на мову мор.
І хто на ёй хоць слова кіне,
Таму — дакор,
Ледзь не тэрор…
Калі «язык», нібы праказу,
Схапілі маці і бацькі,
Ён эпідэміяй адразу
У школы хлынуў і садкі.
Адтуль памкнуўся ў інстытуты,
Нібы лавіна,
Як патоп,
І ўсе — «ад Янкі да Анюты» —
«Заговорили» наўзахлёб.
І спрэс чыноўнікі-аблуды,
Каб дагадзіць правадыру,
«Заговорили» ўсе і ўсюды,
Ім мова, бач, не па нутру!
А што ж народ?
Народ — як статак,
Нібыта быдла ў чарадзе.
Ён, як і родны, вечны Тата,
Не «размаўляе» больш нідзе.
Здавалася, што нат «трасянка»
Адыдзе ў даўнія часы.
Ды здарылася нечаканка:
На «мове» — зноўку галасы!
Спярша пачулі мы знянацку
Па-беларуску пару слоў
(Калі іх прадстаўлялі Бацьку)
Ад чужаземцаў — ад паслоў.
А хто-ніхто не пад прымусам
(Як Эрыксан, напрыклад, — швед)
Аж стаў дакорам беларусам,
Бо «мову» вывучыў як след.
І каталіцкія касцёлы
«Пусцілі мову на парог»,
І нашай мовы голас кволы
Нарэшце змог
Пачуць і Бог…
Няйначай, падказала Неба,
Яго пачуў мітрапаліт,
Што мову нашую не трэба
Здаваць, скіроўваць у нябыт.
І ён сказаў
(На ганьбу Тату,
Тутэйшаму правадыру):
— Калі прыйшоў я ў вашу хату,
Дык як і вы загавару…
* * *
Калі пакрыла памяць плесня,
Калі народ глухі-нямы,
Дык, можа, ў прышлых уваскрэсне,
Што пахавалі самі мы.

Алесь НЯЎВЕСЬ

Присоединяйтесь к нам в Фэйсбуке, Telegram или Одноклассниках, чтобы быть в курсе важнейших событий страны или обсудить тему, которая вас взволновала.