TOP

Паспрыялі банкіры яму, каб Феміда саслала ў турму

49-гадовы жыхар Гомеля на анлайн-пляцоўцы аднаго з банкаў убачыў, што за 1 расійскі рубель прапаноўваецца 3,43 беларускага. (На самай справе столькі каштуюць 100 расійскіх рублёў). Шляхам абменных аперацый ён “нагрэў” банк на 1,7 мільёна рублёў, за што асуджаны да 4,5 года пазбаўлення волі.

Алесь Няўвесь
До 2020 года СНплюс существовала благодаря подписке читателей. Сейчас печать газеты запрещена. Но подписка читателей возможна! Мы не сдаемся и продолжаем работать в интернете. Все материалы бесплатны и доступны каждому. Подписываясь на СНплюс через Патреон (это безопасно!), вы помогаете распространению независимой информации, поддерживаете свободу слова.

Калі ляжаць рублі-капейкі
Навідавоку дзе-нідзе,
Абавязкова злыдзень нейкі
На іх паквапіцца, скрадзе.
А чалавек чуць-чуць харошы
Застацца можа ў старане,
Калі ляжаць чужыя грошы,
Ён тыя грошы абміне.
Такое ж здарылася ў банку.
Адзін, прабачце, ахламон,
Напэўна, быў з пахмелля ўранку
Ці разявака проста ён
(Бадай, банкір запратэстуе,
Калі скажу, што ён бязмен),
Ды лічбу выставіў не тую
Там, дзе грашовы быў абмен.
Выходзіла, што грамадзяне,
Калі захочацца, маглі
Амаль дарма на той “паляне”
Купіць тутэйшыя рублі.
Адзін дзяцюк з благім намерам
Якраз зрабіў манеўр такі
І стаў адразу мільянерам,
Як самавітыя дзялкі.
Ён разумеў, што не міжволі
Усё ж парушаны закон
І быць яму ў злачыннай ролі.
І, безумоўна, ведаў ён:
Пазбегнуць вельмі проста кары:
Узяў чужое, дык аддай.
А давядзецца парыць нары,
Бо ён не ўсё аддаў, бадай.
* * *
Вядома, з-за такіх паводзін
Яго чакае сумны лёс.
Але чаму банкір ніводзін
Ніякай кары не панёс?
Павінны знаць любы і ўсякі,
Каб не ламаць, як кажуць, дроў:
Там, дзе працуюць разявакі,
Сапраўдны рай для махляроў.
Алесь Няўвесь

Присоединяйтесь к нам в Фэйсбуке, Telegram или Одноклассниках, чтобы быть в курсе важнейших событий страны или обсудить тему, которая вас взволновала.