«Вораг здохне няхай, мы ж патрапім у рай!»
Уладзімір Пуцін: «Мы, як пакутнікі, трапім у рай, а яны проста здохнуць, бо нават раскаяцца не паспеюць». Міхаіл Бабіч, пасол Расіі ў Беларусі: «Любы напад на Беларусь Масква будзе лічыць нападам на Расію…» Нас Расія ў хаўрус Да сябе запрасіла. — Зажывеш, Беларусь! — Абяцае Расія. —
Мецьмеш многа даброт
І пазбегнеш галечы.
Мы ж адзіны народ,
І суполка — дарэчы.
Як навяжа вайну
Хіжы з Захаду вораг,
Я цябе прыгарну —
Ёсць і зброя, і порах.
Адначасна няхай
Мы загінем напотым,
Ды патрапім у рай,
Вораг здохне пад плотам.
У блакіце нябёс
Будуць з намі анёлы,
Будзе ў ворагаў лёс
Пад зямлёй невясёлы,
Бо паболей смалы
Пасля іхняе смерці
Будуць ліць у катлы
Ненавісныя чэрці…
* * *
Што патрапім мы ў рай —
Веру ў тое насілу.
Задыхнёмся ж, бадай,
У абдымках Расіі…
Алесь НЯЎВЕСЬ
Чытайце таксама ў рубрыцы «Фельетон»:
Праўду выказаў святар — атрымаў пад дых удар
Не абдзяляе Бацька ўвагай і ўвесь народ частуе дзягай
У нас павінны педагог варочаць гной і класці стог
Былі, напэўна, планы падацца ў партызаны